نشرت الفنانة هيفاء وهبي على حسابها الشخصي على “تويتر”، تريلير للفيلم الجديد “حلاوة روح”، واللي بتلعب في دور زوجة بيغيب عنها جوزها لسفره للعمل وبترتبط بمراهق وبيتصور في حي عشوائي، وظهر معاها في التريلير نجوم الفيلم بالبدل الرسمية وبيمشوا وراها مسحورين، وكانت لابسه فستان مفتوح الصدر و قصير دلاله على الإغراء.
فكرة تريلير الفيلم مزجت مابين فيلمين “Woman On the Top”، و “Malèna”. 
وظهرت هيفاء ماشيه في الشارع بتجذب كل الرجال وراها، وده من فيلم “Woman On The Top” للممثلة الأسبانية بينيلوبي كروز، المقطع التاني بتحط سيجاره في فمها وبيقرب كل الرجاله وبيتنافسوا على مين اللي يولعها لها و ده من فيلم “Malèna”.
الفيلم بيقرب أكتر في القصة من فيلم “Malèna” وهو فيلم بيتكلم عن زوجة وحيده كمان جوزها كان ضابط جيش مات في الحرب، وبيرتبط بها مراهق عاطفيا و بتسقط في فخ الرذيلة لحاجتها المادية، “Malèna” كان بطولة بطلة الإغراء الإيطالية مونيكا بيلوتشي واللي حاولت الفنانه هيفاء وهبي انه تقرب منها جدا.